Nëse jeni në dilemë se çfarë të vishni në këto ditë dimri jo edhe aq të ftohta, blogeret e modës e kanë gjetur zgjidhjen. Nuk është palltoja e as xhupi, por shalli prej pelushi.
Pelushi është në modë këtë sezon dhe kjo nuk ka aspak dyshim dhe shalli prej pelushi do të jetë një nga veshjet më me stil të vitit.
Në përditshmëri, punë, darkë, apo dhe në evente klasike, shalli prej pelushi është mjaft praktik. Më poshtë do të shihni disa nga femrat e ekranit shqiptar që kanë veshur shallin dhe si mund ta kombinoni duke u frymëzuar tek ato:
Zaimina Vasjari
Tendenca e atyre që veshin një shall prej pelushi është kombinimi i tij me nëj fustan në të njëjtin ngjyrë. Zaimina veshi në babyshower-in e vajzës, një fustan të bardhë dhe nuk rrezikoi as me ngjyrën e pelushit.
Angela Martini
Ish-modelja realizoi një kombinim mjaft patriotik, kuqezi. Pelushi i zi me dizajn buzësh të kuqe ishte ideali për t’u kombinuar me fustanin e kuq.
Elvana Gjata
Këngëtarja zgjodhi pelushin “Fendi” 1900 dollarësh në koncertin e motrës së saj, Migena. Ajo e kombinoi me një fustan jeshil saten dhe taka të zeza.
Luana Vjollca
Luana Vjollca u shfaq me një fustan blu të errët dhe një pelush në ngjyrë rozë për të zbehur ngjyrën e errët të veshjes gjatë vizitës në Itali dhe rezultati ishte fantastik.
Adelina Tahiri
Pelushi nuk mungoi as një martesën e Adelina Tahirit, e cila zgjodhi ngjyrat neutrale për t’i kombinuar me të kuqen dhe dukej rrëzëllitëse në ditën e saj më të rëndësishme.
Burimi: Iconstyle.al
