Kombëtarja shqiptare ka kaluar në avantazh në sfidën përballë Islandës.
Lenjani ka shënuar një gol me kokë në minutën e 36 të ndeshjes, pas një harkimi nga e majta te Uzunit.
Kuqezinjtë janë në vendin e fundit në grup dhe kanë regjistruar një barazim e dy humbje në sfidat e tyre, ndërsa Islandezët kanë vetëm 3 barazime në sfidat e luajtura deri tani.
Tanimë vendi i parë është i paarritshëm dhe rënia nuk është e mundur pasi nga grupi jonë u përjashtua Rusia.
Ndër të tjera, për këtë sfidë, trajneri Edi Reja ka bërë ndryshime të rëndësishme në rreshtim në krahasim me sfidën me Izraelin, duke ulur në stol Hysajn, Ajetin, Asllanin, Laçin e Brojën. Në vend të tyre aktivizohen Lenjani, Veseli, Ramadani, Bajrami dhe Uzuni.
Disa orë më parë, Policia ka njoftuar edhe planin e masave për mbarëvajtjen e ndeshjes mes Shqipërisë dhe Islandës.
Për ruajtjen e rendit dhe sigurisë, do të ketë bllokime të disa segmenteve rrugore gjatë momentit të kalimit të tifozëve, nga ora 18:00 deri në përfundim të ndeshjes.
Segmetet e bllokuara të janë:
Rruga “Lek Dukagjini”, përreth stadiumit, rruga “Dervish Hima”, rruga “Gjergj Filipi”, rruga “Papa Gjon Pali II”, nga kryqëzimi me rrugën “Ismail Qemali” deri tek stadiumi “Air Albania” dhe bulevardi “Dëshmorët e Kombit”, nga Presidenca deri te sheshi “Nënë Tereza”.
Tifozët do të lejohet të kalojnë përgjatë rrugëkalimeve të përcaktuara, dhe nuk do të lejohet grumbullimi apo kalimi i tyre jashtë këtij itinerari, ndërsa policia u bën apel drejtuesve të mjeteve të shmangin këto segmente rrugore.
Gjithasht do të ushtrohen kontrolle ndaj tifozëve, para hyrjes në stadium, për sende të kundërligjshme si armë, sende të forta, bidonë uji, çadra, çelësa metalikë, lëndë piroteknike etj dhe çdo tifoz duhet të jetë i pajisur me dokument identifikimi, në të kundërt s’do lejohen të hyjnë.
Gjithashtu fëmijët nën moshën 16 vjeç, nuk lejohen në stadium pa praninë e prindërit apo të kujdestarit, si edhe tifozët që në aktivitete të ndryshme sportive janë të identifikuar nga Policia, si problematikë.
