Ylli i operas Plácido Domingo, ka treguar ditën e sotme se është infektuar me koronavirus.
Nëpërmjet një postimi në rrjetet sociale, Domingo ka thënë se pasi u është nënshtruar analizave të nevojshme ka rezultuar pozitiv dhe u bën thirrje të gjithëve të bëjnë kujdes.
“Mendoj se e kam për detyrë morale t’ju njoftoj se jam infektuar me COVID-19. Iu lutem të gnithëve të bëni sa më shumë kujdes”, shkruan Placido.
Ai tha se vendosi të bëjë testin pasi vuri re shenjat e para të koronavirusit dhe pasi rezultoi pozitiv, e gjithë familja është izoluar.
Placido Domingo i shtohet listës së personazheve të famshëm që janë prekur nga virusi vdekjeprurës.
Janë edhe disa personazhe të tjerë që kanë pranuar publikisht se janë infektuar, përfshirë aktorin, Idriz Elba, Tom Hanks dhe gruaja e tij, Rita Wilson, apo yjet e NBA Kevin Durant dhe Rudy Gobert.
