Aktorja Scarlett Johansson është tronditur që CEO i OpenAI, Sam Altman ka përdorur një zë për ChatGPT që është i njëjtë me të sajin.
Aktorja deklaroi se më herët e kishte refuzuar kërkesën e kompanisë, e cila kërkonte që Johansson të krijonte chatbot-in me zërin e saj.
Shtatorin e kaluar, mora një ofertë nga Sam Altman, i cili donte të më punësonte për të dhënë zërin në ChatGPT 4.0., pasi zëri im do t’i ndihmonte përdoruesit të ndjeheshin më “familjarë”.
Për arsye personale, e refuzova ofertën. Nëntë muaj më vonë, miqtë e mi, familja dhe publiku i gjerë vunë re se sa shumë i ngjante zërit tim sistemi më i ri i quajtur “Sky”.
Z. Altman madje nënkuptoi se ngjashmëria ishte e qëllimshme, duke postuar në Twitter një fjalë të vetme “Her” – një referencë për filmin në të cilin unë bëja zërin e një roboti, Samantha, e cila krijon një marrëdhënie intime me një njeri.
Dy ditë përpara se të publikohej demonstrimi i ChatGPT 4.0, z.Altman kontaktoi agjentin tim, duke më kërkuar që të rishqyrtoja propozimin. Por përpara se të komunikonim, sistemi u bë publik.
U trondita, u zemërova dhe u detyrova të punësoj një avokat, i cili i shkroi dy letra Altman dhe OpenAI. Rrjedhimisht, pranuan pa dëshirë të heqin zërin “Sky”.
Në një kohë kur të gjithë po përballemi me “deepfakes” dhe mbrojtjen e identitetit tonë, pres zgjidhje dhe miratimin e legjislacionit të duhur për të ndihmuar në sigurimin e mbrojtjes së të drejtave individuale!
