Një skandal shëndetësor ka tronditur qytetin e Gramshit, ku dyshohet se dhjetëra fëmijë të një kopshti shtetëror janë helmuar nga ushqimi i servirur nga një kompani private kateringu.
Të miturit janë paraqitur në spital me temperaturë të lartë, të vjella dhe dhimbje koke, ndërsa analizat kanë zbuluar prani të bakterit salmonela.
Nga rreth 72 fëmijë të dyshuar, vetëm një rast është konfirmuar zyrtarisht deri më tani si helmim nga ushqimi, por autoritetet po hetojnë edhe rastet e tjera.
Edhe pse situata thuhet se është normalizuar, prindërit janë të alarmuar dhe kërkojnë përgjegjësi.
