Selena Gomez po kalon një fazë të re në jetën e saj. Është rikthyer me ish-n, Justin Bieber, por publikon këngë të reja dhe së fundmi sapo u bë bionde platin. Dhe, sipas vetë këngëtares, kjo metamorfozë nuk do të ndalet së shpejti.
Pasi këngëtarja u shfaq me paraqitjen e re në “American Music Awards” muajin e kaluar, të gjithë fansat u habitën.
Nëse ju pëlqen Selena bionde, ne kemi një lajm të mirë, që ajo nuk ka ndërmend të ndryshojë ngjyrën e flokëve për një kohë të gjatë.
Ajo është shprehur se ka filluar t’i pëlqejë vetja bionde dhe se po njihet me një Selena tjetër.
“Selena bionde nuk do të shkojë gjëkundi. Jam ende duke njohur pamjen time të re”, u shpreh këngëtarja për “E!News”.
Ajo gjithashtu ka treguar se transformimi i mori asaj plot 9 orë kohë.
Burimi: Teen Vogue
