Aktori komedian Russell Brand duket se është ‘braktisur’ edhe nga miqtë pas akuzave për përdhunim dhe sulm seksual ndaj disa grave, lajm i cili ka tronditur kastin e aktorëve të ‘Hollywood’.
Në një intervistë për DailyMail, miku i tij Jack Osbourne pretendon se komediani ka bërë veprime vulgare dhe të çmendura.
“Ai ka bërë disa gjëra vulgare, të egra, të çmendura, por ju kurrë nuk dëshironi të supozoni se dikush që njihni dhe jeni mik apo i njohur është në gjendje ta bëjë këtë”, u shpreh ai.
Jack theu heshtjen për rastin, ndërsa e krahasoi Brand me aktorin Danny Masterson i cili është dënuar me 30 vite burg për përdhunim. Ai tha se ishte në dijeni të rasteve.
“Ne e pamë me situatën e Danny Masterson. Unë isha një mik personal i Denit. Unë kam qenë në shtëpinë e tij, kam luajtur poker me të. Unë në fakt i njihja disa nga viktimat dhe kështu ajo histori ishte, “Oh Zot madh”, tha ai.
Ndërkohë, Russell u akuzua për përdhunim dhe sulm seksual pas një hetimi nga “The Times” dhe “Channel 4 Dispatches” solli në dritë një numër pretendimesh që e akuzonin atë për sjellje abuzive dhe grabitqare, duke përfshirë përdhunimin dhe sulmin seksual.
