Portieri portugez, Rui Patricio, ka njoftuar tërheqjen e tij nga futbolli në moshën 37-vjeçare, pas një karriere të pasur dhe të suksesshme në nivelet më të larta të futbollit. Pas disa muajsh pa klub, që kur luajti për Al Ain në Kupën e Botës për Klube vitin e kaluar, Patricio ka vendosur të mbyllë kapitullin e tij të futbollit aktiv.
Rui Patricio, i cili ka pasur periudha të suksesshme te klube të njohura si Sporting Lisbon, Roma, Wolves dhe Atalanta, është një nga portierët më të respektuar të futbollit europian. Ai arriti kulmin e karrierës me ekipin kombëtar të Portugalisë, me të cilin fitoi tituj të mëdhenj si Kampionati Europian në 2016 dhe Ligën e Kombeve në 2019.
Përveç suksesit ndërkombëtar me Portugalinë, Patricio ka fituar një sërë trofesh me klubet e tij. Me Sporting Lisbon, ai fitoi dy Superkupa, dy Kupa Portugeze dhe një Kupë të Ligës. Ndërsa me Romën, ai arriti të fitonte Ligën e Konferencës. Në sezonin e kaluar, ai luajti për Atalantën në Serie A, duke vazhduar të jetë një portier i rëndësishëm edhe në fazat e fundit të karrierës së tij.
Patricio ka qenë një figurë kyçe për Portugalinë që nga debutimi i tij në vitin 2010, kur luajti kundër Spanjës, dhe e mbylli karrierën e tij ndërkombëtare në vitin 2024, duke luajtur ndaj Suedisë. Tërheqja e tij shënon fundin e një epoke për portierin që la pas një trashëgimi të jashtëzakonshme në futboll.
