Këngëtarja Tuna e ka sjellë albumin e saj më të ri të titulluar “Fortuna” me mjaft sakrifica.
Ajo para vetëm 3 ditësh përmes një postimi në Instagram na rrëfeu të gjithëve se këtë periudhë 50% të kohës e ka kaluar në mikrofon dhe 50% në spital për shkak të gjendjes së keqe shëndetësore.
Mirëpo, duket se ia ka vlejtur barra qiranë sepse çdo gjë i është përkthyer me sukses bukuroshes, e cila ditën e sotme ka publikuar këngët e titulluara: “Tani m’ke zemër; Plagë; Krejt m’u kanë përzi; Dreqi e marrtë; Harrova; Nëse vdes e re dhe A don hala!”
Kjo e fundit është bashkëpunimi i shumëpritur me këngëtarin e njohur Ylli Limani.
Siç mund ta shihni në videon e mëposhtme, Tuna shfaqet rrëzëllitëse me një fustan ngjyrë blu me mëngë të gjata, të hapur në pjesën e kurrizit, ndërsa flokët ka zgjedhur t’i stilojë të kapura bisht, që duhet theksuar që shkojnë tej mase me veshjen e saj.
Nuk na mbetet gjë tjetër veçse të shijojmë të gjitha këngët që duken qartazi se janë të kuruara në detajin më të vogël!
