Ajo së fundmi është larguar nga shtëpia diskografike “Rock Nation”, e themeluar nga Jay Z dhe ndërkohë që ishte shkëputur për pak kohë nga muzika, Rita Ora është rikthyer më fuqishëm se kurrë dhe është duke punuar për albumin e saj të ardhshëm me “Warner Music”.
Teksa ka folur për procesin e shkrimit të teksteve të këngëve, 26-vjeçarja e ka përshkruar atë proces si terapeutik, si edhe e ka ndihmuar atë te shpreh ndjenjat.
Në intervistën e dhënë për revistën “Notion”, këngëtarja me origjinë shqiptare ka vendosur të pozojë pa makijazh, por me një fytyrë të freskët natyrale.
“Gjithmonë kam menduar se duhet të isha një person i pamposhtur, vetëm për shkak të nënës sime, ajo është shumë e fortë. Dhe gjithmonë kam menduar se duhet të jem një grua si ajo”, ka thënë artistja për nënën e saj.
