Ajo është në qendër të vëmendjes së revistave me famë botërore. Këngëtarja me origjinë nga Kosova u fut në tregun e muzikës britanike vetëm pak vite më parë, por tashmë ka arritur majat e tregut të muzikës ndërkombëtare.
Këngëtarja ka pozuar së fundmi për kopertinën e revistës “Elle Canada” në prag të Krishtlindjeve. Në fotot e revistës prestigjoze, këngëtarja ka ardhur me një pamje të re, me flokë të shkurta platin që e tregojnë joshëse dhe shumë femërore.
Revista e ka quajtur shqiptaren 25-vjeçare një megatalent, ndërsa sjell një rrëfim të jetës dhe karrierës së saj.
Aliyah Shamsher, e cila ka intervistuar Ritën, e përshkruan atë si një njeri të ngrohtë, që të bën të ndihesh sikur e ke njohur prej kohësh dhe rrëfen me çiltërsi udhëtimin që e shëndrroi në një yll të muzikës.
Ora u shpreh se gjithçka ka të bëjë me njerëzit që të rrinë afër.“Kam nevojë që njerëzit të më pyesin çfarë po bëj, të më këshillojnë dhe jo të më thonë po, për çdo gjë”, rrëfeu 25-vjeçarja.
Rita foli gjithashtu për ndarjen nga DJ dhe producenti ,Calvin Harris dhe për faktin që tashmë pas 7 vitesh ajo ndihet komode me zërin e saj. Ndërsa gjatë rrëfimit nuk harroi të shprehte sakrificat dhe vendin ku lindi.
