Rihanna shfaqet për herë të dytë në kopertinën e “Vogue Britani” këtë muaj, duke shpallur ekskluzivisht bashkëpunimin me mjeshtrin e këpucëve, Manolo Blahnik.
Brenda revistës, këngëtarja pozon për dizjanuesin e saj të preferuar për koleksionin e tij të ri, një palë çizme të gjata deri në fund të këmbës të zbukuruara me kristale, duke i treguar Emily Sheffield se çdokush që vesh një nga gjashtë dizajnët duhet të bëjë kujdes.
“Ditën që unë do të shoh një grua në rrugë që mban këpucët e mia… Më vjen keq për atë femër, sepse do të vrapoj pas saj, duke thirrur: “Ndalo! Selfie! Kush je ti? Ku i more këto?”, thotë këngëtarja e entuziazmuar, pavarësisht se nuk i këshillon t’i vishni gjatë një takimi.
“Varet nga lloji i takimit që ju po përpiqeni të keni”, thotë ylli i muzikës për “Vogue” duke qeshur. “Këto çizme janë të rrezikshme! Nëse po përpiqeni të ktheheni në shtëpi në shtratin tuaj, mos i vishni këto çizme! Ju do të rrëmbeheni me këto çizme, sepse të hapin probleme”, thotë Rihanna.
Ndërsa për stilin e saj, të lavdëruar shpesh nga mediat, ajo ia atribuon nënës së saj që inspiroi sjelljen e saj lidhur me rrobat.
“Oh Zot, nëna ime. Unë isha e fiksuar me çdo gjë që ajo bënte atëherë, çdo gjë që ajo vishte, aromën e saj, këpucët dhe shallet e saj. Ajo ishte magjepsja në të cilën unë doja të merrja pjesë”, tha këngëtarja e hitit “Work”.
Burimi: Vogue
