Rihanna njihet si një ndër këngëtaret që eksperimenton vazhdimisht me modelin dhe ngjyrën e flokëve të saj. Jo të pakta kanë qenë rastet kur një ditë e kemi parë me flokët brune dhe ditën tjetër bionde, apo pink.
Gjatë kësaj vere ylli botëror u duk se ishte dashuruar me modelin e flokëve “boob haircute”, i cili po çmend gjithë personazhet e njohura, dhe jo vetëm.
Mirëpo mbrëmjen e djeshme Rihanna na ka surprizuar të gjithëve duke postuar disa video në Instagram ku na tregon se po eksperimenton përsëri me modelin e saj të flokëve.
Nga këto video shohim se Rihanna i ka kapur flokët në gërsheta të vogla të çrregullta të cilat i shkojnë jashtëzakonisht shumë, por janë edhe tepër praktike gjatë ditëve të nxehta të verës.
Me sa duket me këtë ndryshim Rihanna po sjell trendin e ri të flokëve që do të bëjë namin.
