Reshjet e dendura të shiut që kanë përfshirë Tiranën, kanë sjellë dhe pasojat e para në kryeqytet!
Niveli i ujit është rritur duke mbushur plot shtratin e Lanës.
Në fotot e siguruara nga iconstyle.al, shihet se niveli i ujit është rritur më shumë në zonën pranë Pallatit me Shigjeta.
Edhe në disa rrugë të kryeqytetit ka pasur përmbytje, duke vështirësuar qarkullimin e mjeteve dhe këmbësorëve, nga bllokimi i kanaleve dhe pusetave nga inertet dhe mbeturinat e ndryshme.
IGJEUM bën me dije se reshjet e shiut do të vijojnë edhe ditën e nesërme, por me intensitet më të ulët.
