Mbrëmjen e kaluar kanë nisur reshjet e dëborës në shumë qytete të vendit tonë.
Temperaturat kanë zbritur nën zero dhe për pasojë janë bllokuar disa akse rrugore.
Reshjet e borës kanë përfshirë pjesën më të madhe të qarkut të Dibrës, Korçës e Elbasanit.
“Ballkan Web” shkruan se shumë fshatra në këto zona kanë mbetur edhe pa energji elektrike për shkak të dëmtimit të linjave të tensionit të ulët nga moti i keq.
Kryesisht probleme kanë në zonat rurale dhe rrugët kryesore janë të kalueshme me zinxhirë.
Njësitë më problematike janë Lura, Kalaja e Dodës, Arras, Trebisht, disa fshatra të njësisë Zerqan janë të bllokuara dhe Tërnova e Madhe dhe Tërnova e Vogël ku lartësia e borës shkon nga 30-40 cm.
