Republika Çeke ka dërguar tanke dhe mjete luftarake të këmbësorisë në Ukrainë, duke u bërë vendi i parë i NATO-s që siguron armaturën e rëndë që Kievi kërkonte.
Më shumë se një duzinë tanke T-72 si dhe një numër automjetesh luftarake të këmbësorisë BVP-1 janë ngarkuar në trenat me destinacion Ukrainën.
Automjetet do të ofrojnë fuqinë e nevojshme të zjarrit për ushtrinë ukrainase ndërsa betejat vazhdojnë të jenë shkatërruese në të gjithë vendin.
Sakaq, nuk dihet ende rrjedha që do të marrë tashmë kjo kuftë.
Ministrja e Mbrojtjes e Republikës Çeke, Jana Cernochova, i tha parlamentit se nuk do të konfirmonte apo mohonte detajet e ndihmës për Ukrainën.
Zonja Cernochova tha: “Unë vetëm do t’ju siguroj se Republika Çeke po e ndihmon Ukrainën aq sa mundet dhe do të vazhdojë të ndihmojë duke (furnizuar) pajisje ushtarake, të lehta dhe të rënda.”
Presidenti i Ukrainës Volodymir Zelenskyy, ditën e djeshme në komentet gjatë fjalimit në Këshillin e Sigurimit të Kombeve të Bashkuara, e ka krahasuar ushtrinë ruse me ISIS-in duke thënë se nuk ka asnjë dallim midis tyre.
Teksa mbante fjalimin në Këshillin e Sigurimit, ishte hera e parë ditën e djeshme që ai bëri thirrje për ndihmë që nga fillimi i luftës Rusi-Ukrainë. Ai tha se ajo çfarë ndodhi në Bucha ishte mizore ku gratë u përdhunuan e u torturuan para fëmijëve të tyre, e më pas u vranë pasi nuk thanë atë që ushtarët donin të dëgjonin nga goja e tyre. Për këtë arsye, Zelensky i krahasoi ushtarët rusë me ata të ISIS.
“Po ju drejtohem në emër të njerëzve që nderojnë kujtimin e të njerëzve çdo ditë dhe kujtimin e civilëve që vdiqën, u qëlluan dhe u vranë pas torturës. Disa prej tyre u qëlluan në rrugëve. Ata prenë gjymtyrët, prenë fytin e tyre, gratë u përdhunuan dhe u vranë para fëmijëve të tyre. Gjuhët e tyre u nxorën vetëm sepse agresori nuk dëgjoi atë që ata donin të dëgjonin prej tyre”, tha ai.
