Në Shqipëri jo vetëm që janë taksat e larta, por ka burokracira edhe për t’i paguar. Në vendin tonë duhen jo pak, por plot 261 orë, vetëm për t’i paguar detyrimet shtetit, tregon raporti i fundit “Paying Taxes 2018”.
Shifra përkthehet në rreth 11 ditë në vit dhe tregon se kosto e burokracive është relativisht e lartë, pasi këto orë apo ditë mund të ishin investuar shumë mirë në procesin prodhues të një biznesi.
Nga ana tjetër, sipas Institutit Europian të Statistikave, Shqipëria u rendit e dyta pas Rumanisë për nivelin e ulët të mbledhjes së taksave në raport me PBB-në e vitit të kaluar, ku përfshihen taksat dhe kontributet shoqërore neto.
Gjatë vitit të kaluar, vendi ynë mblodhi 27.1 5 të PBB-së taksa, teksa mesatarja e BE-së për këtë vit ishte 40%.
Rritja më e madhe e të ardhurave në raport me PBB-në ishte në Greqi, kurse rënia më e madhe në Rumani.
