Siç ishte paralajmëruar edhe më herët nga “Meteoalb”, temperaturat këtë fundjavë janë ulur ndjeshëm.
Në qytetin e Durrësit, por jo vetëm, ditët e ngrohta dhe me diell duket se ia kanë lënë vendin reshjeve të borës.
Mëngjesin e sotëm, bora ka zbardhur qytetin bregdetar, ndërkohë pakëz ka rënë edhe në Tiranë. Pikërisht kur menduam që dimri po kalonte për këtë vit, moti na surprizoi sërish.
Sipas raportimeve nga “Meteoalb”, temperaturat pritet të zbresin deri në -11 gradë ditën e sotme.
