Anglia ka vite që përballet me përhapjen e drogës nëpër institucione.
Kryeparlamentari tha se do të hetonte kulturën e drogës në Westminster pasi gjurmët e kokainës u zbuluan në një numër vendesh të aksesueshme vetëm për njerëzit me leje parlamentare.
Sipas tij qentë gërmues mund të sillen nëpër korridoret e instititucioneve shtetërore pasi abuzimi me drogën duhet ndaluar dhe aftësia e tyre e nuhatjes do identifikonte lehtësisht përdoruesit.
Deputeti konservator Charles Walker, i cili kryeson komitetin e administratës, tha se çështja do të diskutohet nga Komisioni i Dhomës së Komunave javën e ardhshme.
“Dhoma e Komunave ka një histori të gjatë të përdorimit të qenve nuhatës për të zbuluar eksplozivët,” tha ai. “Mund të ndodhë që ne tani duhet të përdorim aftësinë e tyre dhe për këtë çështje”
Kujtojmë se në Shqipëri, Drejtori i përgjithshëm i Policisë, Gledis Nano, disa ditë më parë dha urdhrin që efektivët e policisë t’i nënshtrohen testit të drogës.
Menjëherë pas urdhrit disa efektivë iu nënshtruan testit.
Ndërkohë kanë dalë disa rezultate të testeve dhe mësohet se disa policë kanë rezultuar se janë përdorues të lëndëve narkotike.
Kujtojmë që kur Nano dha urdhrin për testin e drogës, tha se efektivët që rezultojnë konsumatorë do të pezullohen nga puna.
A nuk do të ishte e duhur që edhe në Shqipëri të kontrolloheshin të gjitha institucionet publike, sidomos ato parlamentare për abuzimin e drogës?!
Gjithashtu metoda që përdoret në Angli me qentë gërmues mund të jetë më transparente, pasi testet mund të manipulohen nëpërmjet rrugëve korruptive.
