Është zbardhur dëshmia e Mario Prelleshaj, 14-vjeçari i cili goditi për vdekje bashkëmoshatarin e tij, Martin Canin, një ngjarje e rëndë që tronditi një Shqipëri të tërë!
I mituri ka rrëfyer se konflikti mes tyre kishte nisur të premten për një arsye të vogël: sepse viktima po e shikonte.
“Jemi zënë të premten sepse po më shikonte. E kishim lënë për t’u sqaruar. Pastaj jemi zënë sërish të hënën. Ai lajmëroi shokët, si dhe unë shokët e mi. Gjatë përleshjes ndodhi ajo që ndodhi,” ka deklaruar ai.
I pyetur nga policia nëse është penduar për aktin e rëndë, 14-vjeçari ka refuzuar të përgjigjet.
Gjithashtu, ai nuk ka pranuar të zbulojë vendndodhjen e mjetit të krimit, duke deklaruar vetëm se nuk e kishte marrë brenda shkollës, por e kishte fshehur në një vend pranë saj.
