Këngëtarët e njohur MC Kresha dhe Fifi me këngën “Psikopatja jote”, me të cilën fituan vendin e dytë në “Kënga Magjike”, kanë pasur një sukses mjaft të madh.
Pasditen e sotme MC Kresha ka qenë i ftuar në emisionin “E diell”, prej ku ka deklaruar se ka pasur vështirësi gjatë bashkëpunimit të tij me Fifin: “Problemin më të madh e kam pasur me Fifin sepse mbaruam këngën, u bë gjithçka, ishim shumë të lumtur, kur ia vinim këngën “play”, e dëgjonte, çmendej dhe kur vij në Shqipëri për të bërë performancën, Fifi më lajmëron se e kishte ndërruar versionin e këngës.”
Më pas reperi i kishte thënë Fifit: “Ç`ka? Kjo nuk ndodh kurrë me mua!”
Megjithatë duket se ka qenë diçka momentale, pasi marrëdhënia e tyre pas publikimit të këngës është mjaft e mirë! Të paktën kështu duket nga postimet e tyre në rrjetet sociale.
