Pak pas prishjes së Teatrit Kombëtar, aksion që është shoqëruar me përplasje mes aktivistëve, artistëve dhe forcave të policisë, janë publikuar pamjet sesi do të duket teatri i ri.
Projekti i Teatrit të Ri është krijuar nga një prej studiove më të mëdha ndërkombëtare të arkitekturës në botë, “Bjarke Ingels Group” me qendër në Danimarkë.
Projekti i ri parashikon një hapësirë për performanca publike, ambiente të posaçme për shfaqjet dhe aktorët, një hapësirë që do përdoret si sallë ndërrimi, një sallë provash, tualete dhe dushe si dhe një dhomë të gjelbër.
Godina e re ofron një arkitekturë me dizajn modern dhe krijon një hapësirë unike në qytetin e Tiranës, me të gjitha kushtet e nevojshme për realizimin e shfaqjeve teatrore, sipas njoftimit të Bashkisë së Tiranës.
