Bashkëpunimi i fundit i H&M është me markën prestigjioze Kenzo. Ai është ndër më të shumëpriturit për adhurueset e modës dhe shumë surprizuese nga sa do ta mendonim.
Në fotot e publikuara nga “Fashion Journal”, shihen veshjet shumëngjyrëshe karakteristike për Kenzo, motivet me lule, si dhe printet e kafshëve.
Koleksioni me stilin ekstravagant do të jetë në dyqanet e H&M në të gjithë botën nga data 3 nëntor. Kjo është hera e disatë që kompania bashkëpunon me marka të nivelit të lartë, duke i bërë ato të aksesueshme edhe për shtesën e mesme. Mbetet për t’u parë nëse edhe ky koleksion do të blihet në kohë rekord, siç ndodhi vitin e kaluar me Balmain.
Pjesë e fushatës është dhe ambasadorja e markës Iman, Chance the Rapper dhe Suboi, e cila është fotografuar nga Jean-Paul Goude.
Drejtuesit kreativë të Kenzo-s, Carol Lim dhe Humberto Leon, të kanë një prirje për ngjyrat dhe printimet e guximshme, i përcollën ato edhe në koleksionin e ri, që është në nder të themeluesit të markës, Kenzo Takada.
*Shfleto galerinë
Burimi: Haper’s Bazaar/Fashionista
