Michele Morrone, më në fund, theu heshtjen për thashethemet se ai është në lidhje me aktoren shtatzënë Megan Fox, mes lajmeve për ndarjen e saj me Machine Gun Kelly.
“Çdo akuzë përtej një miqësie pune është thjesht e pavërtetë,” zbuloi përfaqësuesi i yllit të 365 Days. “Ata xhiruan një film së bashku një vit më parë. Michele është aktualisht në Itali për të filmuar një tjetër projekt.”
Burimi konfirmoi edhe për Page Six se Michele dhe Megan “nuk janë të përfshirë në mënyrë romantike”.
Thashethemet për lidhjen e dy aktorëve lindën pasi një video flirtimi e tyre nga seti i filmit u bë virale në rrjetet sociale.
“Videoja është realizuar shumë kohë më parë teksa ata po xhironin”, ka thënë zëdhënësi, duke sqaruar se Megan dhe Michele janë vetëm kolegë.
