PS blindon mandatin e tretë, diaspora ende në numërim. Ja si renditen partitë!

Zgjedhjet e këtij viti duket se kanë vulosur një tjetër fitore për Partinë Socialiste, e cila deri tani ka siguruar 83 mandate, duke e mbajtur fort pozicionin si forca e parë politike në vend.

Partia Demokratike ndjek me 50 mandate, ndërsa PSD konfirmohet si forca e tretë me peshë në këtë garë.
Nga votimi brenda vendit, PS ka marrë 733.149 vota, PD 481.548, ndërsa Koalicioni “Shqipëria Bëhet” ka grumbulluar 49.393. PSD, ndërkohë, ndjek me 47.498 vota.

Lexo edhe :

Boksieri i njohur vritet në Meksikë gjatë një sulmi për të mbrojtur motrën

23:32 08/12/25

Ngjarja tronditëse pas nofkës ‘Noti’! Labi thotë se djali i tij ka qenë duke u mbytur në det

23:12 08/12/25

Po diaspora? Ende pa e thënë fjalën e fundit.

Deri tani janë numëruar 79.409 zarfe nga gjithsej 194.889, dhe Partia Socialiste kryeson edhe jashtë vendit me 42.492 vota, e ndjekur nga PD me 22.481.
Surpriza? Koalicioni “Shqipëria Bëhet” shfaqet i treti me 6670 vota, ndërsa Partia Mundësia hyn në listën e katër forcave më të votuara me 2781 vota.

Në pritje të rezultatit përfundimtar, duket se harta politike e Shqipërisë po njeh disa lëvizje interesante – edhe jashtë kufijve.