Ditën e sotme bëhen 4 ditë nga nisja e protestave për vrasjen e Klodian Rashës që ka shkaktuar goxha reagime në gjithë vendin.
Protestat më të dhunshme janë organizuar në Tiranë ku ka patur përplasje të shumta mes forcave të policisë dhe qytetarëve.
Ndonëse po kërkohet reformimi i strukturës së Policisë së Shtetit, efektivët nuk kanë ngurruar të përdorin dhunë ndaj protestuesve sikundër e kemi parë këto ditë.
Mbrëmjen e djeshme ata kanë dhunuar një minoren, duke i shkaktuar edhe të nxira dhe shenja në trup.
16-vjeçari ka dërguar fotot te JOQ, duke u shprehur se e kanë rrahur gjashtë persona me grushte gjatë gjithë rrugës dhe se ai nuk është i vetmi minoren i dhunuar.
Djali në fjalë, siguron se ka pasur edhe të tjerë të mitur që janë dhunuar në protestë.
“Prsh joq jam 16 vjec dhe shife ca mkan ber dje shqiponjat pa uniforme me kan marr zvarr deri te fugoni shqiponjave duke mrraf gjith rruges me grushta 6 veta gjithsej pa uniforme policie dhe nuk jam i vetmi i mitur qe esht dhunuar dje ne proteste pa asnje lloj faji e gjeje ju lutemi postojeni anonym,”- shkruhet krah postimit me fotot me shenja të nxirash.
