Ka shumë mënyra të ndryshme që një mashkull mund t’i propozojë të dashurës së tij. Mund të shkoni bashkë dhe të shpenzoni pa masë në një udhëtim, mund të shkruani letra dashurie për vite të tëra që përmbajnë një mesazh të fshehtë, ose thjesht mund të uleni në gju në dhomën tuaj të ndenjes dhe t’i bëni pyetjen.
Por një mënyrë tjetër do të ishte që t’i dhuroni një varëse të dashurës suaj me unazën e propozimit brenda saj dhe ajo mos ta kuptojë aspak. Kështu ndodhi me një burrë Australian i quajtur Terry.
Në përvjetorin e tyre të parë, Terri i dha të dashurës Anna një gjerdan që ai e kishte bërë vetë. Ajo ishte bërë nga Huon – një dru që ishte në Tasmania – por Anna nuk e dinte se kishte diçka shumë më të çmuar brenda.
Gjerdani përmbante një unazë të fshehur.
“Gjithmonë kisha dashur idenë e dhënies së një dhurate, vlerën e së cilës do ta kuptonin disa vite më vonë”, shpjegoi Terry tek The Independent.
“Pasi e dashura ime dhe unë ishim së bashku për njëmbëdhjetë muaj, vendosa t’i kërkoj që ajo të martohej me mua, por dëshiroja të bëja diçka unike. Gjithashtu desha të filloja të bëja gdhendjen e drurit dhe e kisha këtë ide për gjerdanin, kështu që vendosa të bëja një hap. E gjeta unazën që doja dhe fillova punën”.
Për një vit e gjysmë, Ana mbante gjerdanin pothuajse çdo ditë, pa pasur asnjë ide se kishte diçka të veçantë në të.
“I dhashë gjerdanin në përvjetorin tonë njëvjeçar dhe ajo absolutisht e donte. E vendoste atë çdo ditë dhe kudo që shkonim, dhe kurrë nuk e kuptoi”, tha Terry.
“Momenti im më i madh i panikut ishte kur ne shkuam për herë të parë në sigurinë e aeroportit. Unë nuk e kisha menduar faktin se ajo mund të vendosej të shihej përmes X-Ray, dhe romanca mund të shndërrohej në një propozim në aeroport!”.
Por në nëntor 2016, Terry vendosi që më në fund ta propozonte dhe këtë e bëri në një udhëtim në Smoo Cave në Skocinë veriore, ku u zbulua përmbajtja e vërtetë e gjerdanit.
Burimi: The Independent
