President Barack Obama mbajti dy ditë më parë konferencën e tij të fundit në Shtëpinë e Bardhë. Ndërsa iu drejtua reporterëve për herë të fundit si President, ai iu lut medias që “të shtyjë ato si ne në fuqi për të arritur më të mirën e tyre”. Por para se të hynte në çështjet më të rëndësishme, ai kishte një temë serioze për të folur: veshjen e tij.
Pasi hyri në dhomë me kostum blu, Presidenti bëri shaka se duhet të kishte riveshur kostumin bezhë që mbante në konferencën e vitit 2014.
“Më lejoni të nis duke thënë se isha i tunduar të vishja kostumin bezhë sot për konferencën time të fundit, por Michelle, sensi i modës të së cilës është më i mirë se unë, më tha se nuk është i përshtatshëm për në janar”, u shpreh Obama.
Me të gjithë respektin, zoti President mund të themi se nuk ka asnjë kohë të përshtatshme për ta veshur sërish atë kostum.
Burimi: Harper’s Bazaar
