Këngëtarja e njohur Ingrit Gjoni daljet e para në publik i ka pasur që në një moshë mjaft të vogël.
Ajo ka eksperimentuar në fusha të ndryshme të artit, megjithatë gjithmonë ka dashur të ishte pjesë e televizionit.
Për të kujtuar fillimet e karrierës së saj, Ingriti ka publikuar në Instagram një foto të viteve më parë, kur ishte ende vetëm 12 vjeçe.
Fotoja është e shkëputur nga një gazetë dhe në të Ingriti shfaqet me veshje balerine.
“Kjo vogëlushe është Ingird Gjoni, 12 vjeç. Pretendon të konkurrojë regjisoren e njohur, Vera Grabocka. Madje ajo kërkon të jetë edhe stiliste edhe koreografe. Pas përfundimit të spektaklit të ’10 të diela Lambada’, ditët e fundit ajo ka filluar realizimin e spektaklit të dytë për banorët e lagjes numër 9 të Tiranës”, shkruhet bashkangjitur fotos së këngëtares.
Këtë foto Ingriti e ka shoqëruar me emoji duke qeshur për të treguar edhe nostalgjinë e asaj kohe.
