Në kohën kur dashuria kalon më shumë nëpër filtra sesa përmes ndjesive reale, disa studime kanë vënë në dukje një prapaskenë të paimagjinueshme: çiftet që postojnë shpesh për marrëdhënien e tyre në rrjetet sociale, janë më të prirur të ndihen më pak të lidhur në jetën reale.
Ky fenomen psikologjik njihet si “kompensim i tepërt në marrëdhënie”, kur çiftet ndihen emocionalisht bosh ose të pasigurt, por përpiqen të balancojnë këtë mungesë përmes postimeve të vazhdueshme që shfaqin lumturi, intimitet apo përkryerje.
Natyrisht, ka edhe çifte që thjesht ndajnë momente të bukura pa prapamendime. Por për disa të tjerë, ekspozimi i tepërt vjen si rezultat i frikës nga gjykimi, pasigurisë personale apo nevojës për validim nga të tjerët.
Psikologët theksojnë se këto sjellje janë më pak për ndarjen e dashurisë dhe më shumë për krijimin e një versioni “ideal” të marrëdhënies në sytë e botës.
“Dashuria e vërtetë nuk ka nevojë të dëshmohet online. Ajo ndihet. Në heshtje. Në përditshmëri. Në sy.”
