Pop Arti dhe moda kanë ecur dorë për dore gjithmonë. Mund të përmendim ikona si: Keith Haring dhe Patricia Field, fotografi Antonio Lopez, deri te dizajnerat e sotëm si Jeremy Scott.
Pop Art është një lëvizje arti që filloi në mes të vitit 1950 në Angli dhe më pas u përhap në Amerikë. Kjo lëvizje i hodhi poshtë të gjitha rregullat e artit.
Një nga veprat më të njohura është puna nga artisti Andy Warhol, kanavaca e dedikuar Marilyn Monroe. Gjithashtu kanavacet e “Campbell’s Soup”. Andy mori objekte të rendomta dhe i shndërroi ato në ato në ikonike. U përfshi në botën e modës duke u dhënë sugjerime artistëve për make up-in dhe veshjet. Shumë njerëz frymëzohen nga vetë pamja e Warhol si dhe nga muzat e tij.
Nga artistët e rrymës Pop Art mund të përmendim edhe Roy Lichtenstein, ilustrimet e të cilit janë kthyer jo rrallë herë në veshje. Nëpër faqet e revistave, detaje nga kjo rrymë nuk i gjejmë vetëm në veshje, por edhe në stilin e një editoriali apo edhe në faqosje.
*Publikuar në revistën “ICON” nr. 4
Komente në Facebook
Lexo tjetër
Pijet me sheqer dhe rreziku për kancer! Çfarë duhet të dini?
