Nora Istrefi dhe Ermal Fejzullahu sollën të shtunën klipin e tyre të ri “Hije” që pritet të kthehet një nga hitet e momentit. Përveç muzikës ritmike dhe alkimisë mes dy këngëtarëve, ajo që na ra në sy në këtë klip, ishte look-u i këngëtares shqiptare, i cili ishte kuruar në maksimum.
Në stil dhe veshje, Nora Istrefi na ngjau me showgirl-in e famshëm Kim Kardashian duke sjellë një sërë trendesh të reja të veshjeve dhe makijazhit që do të mbizotërojnë këtë vit. Më poshtë mund të shihni 5 trendet e reja të modës që solli Nora Istrefi:
Flokët e gjatë me zgjatim (extension)
Flokët e gjatë janë një nga trendet e momentit që është sjellë nga femra të njohura të showbiz-it të huaj. Rihanna, Kim Kardashian, Naomi Campbell etj, janë disa nga emrat e njohur që po e ndjekin këtë trend, tashmë të mbërritur edhe në vendin tonë. Në klipin e ri “Hije”, Nora Istrefi vjen me flokët e gjatë kaçurrela dhe të drejta që bien në sy dhe i shkojnë shumë.
Pantallonat lëkurë me lidhje
Me siguri i keni parë që një nga modelet e preferuar të pantallonave të motrave Kardashian dhe Jenner, janë pantallonat lëkurë me lidhje në të gjithë gjatësinë. Këto pantallona janë trendi që do të mbizotërojë këtë sezon.
Fustani i shndritshëm i Kylie Jenner dhe Paris Hilton
Ditëlindja e modeles Kyle Jenner u përfol shumë për faktin se ajo ishte frymëzuar nga Paris Hilton për të veshur një nga fustanet më në modë. Pas asaj dite, ky fustan është një ndër më të preferuarit dhe Nora e ka risjellë për të si trend edhe në vendin tonë, për të treguar se nëse ke një trup modelej mund të dukesh superyll si ajo.
Pelushi
Pelushi është në modë këtë sezon dhe kjo nuk ka aspak dyshim. Që nga shapkat me pelush “Puma” të Rihanës te pelushi jeshil i Kendall që e veshi për ditëlindje, kjo do të jetë një nga veshjet më me stil të vitit. Në përditshmëri, punë, darkë, apo dhe në evente klasike, pelushi është mjaft praktik dhe të fal klas. Nora di si të jetë me klas dhe e rishjell për ju në këtë klip.
Bluza e shkurtër crop-top
Bluza e shkurtër crop top është një nga të preferuarat e momentit. Nora Istrefi e ka kombinuar me një pale reçipeta me shkëlqim që e bëjnë edhe më të veçantë zgjedhjen e saj.
