Një ndër gjërat që na shqetëson më së shumti këto ditë është fakti nëse do të bëjmë pushime këtë verë apo jo.
Për shkak të koronavirusit, mendohet që nuk mund të lëvizim jashtë Shqipërisë këtë verë dhe plazhin, por me masa parandaluese mund ta bëjmë vetëm në bregdetin shqiptar.
Por Greqia ka vendosur që të sfidojë pandeminë dhe të mirëpresë turistë për pushime këtë verë.
“Turistët do të jenë të mirëpritur ta vizitojnë Greqinë këtë verë, por rregullat e distancës sociale do të mbeten në fuqi për t’i mbajtur njerëzit të sigurt nga koronavirusi”, tha ministri grek i turizmit, Harry Theocharis.
Ministri i turizmit grek shtoi se turistët nuk kanë pse të shqetesohen pasi shteti fqinj do të marrë masa të rrepta sigurie.
“Sigurisht që do të marrim masa paraprake përsa i përket kërkesave para udhëtimit, por edhe vetë udhëtimit, mënyrës së qëndrimit. Do të zbatohen rregullat e distancës sociale. Ka shumë gjasa që ne do të kemi disa kërkesa para udhëtimit,” u shpreh Theocharis.
