Pesë trendet e ngjyrave të makijazhit këtë vjeshtë

Në pasarelat e vjeshtës 2016 pati shumë ngjyra, duke u kujtuarve njerëzve të stilit se të luash me nuancat mund të jetë shumë argëtuese. Nga e kuqja e ndezur te jeshilja apo e verdha, këto pesë ngjyra patën një impakt në shfaqjet si, Balenciaga, Roberto Cavalli dhe Gucci.

E gjelbra

Zgjidhni diçka me shkëlqim, një nuancë jeshile të errët përgjatë kapakëve të syve. Ngjyra smerald ka një impakt shumë dinamik.

Rozë e “mbytur”

Një ngjyrë e tillë e thjeshtë për t’u realizuar mund të funksionojë shumë mirë për në zyrë dhe në darkë. Nuanca natyrale mund të mbahet për jetën e përditshme dhe funksionon për çdo lloj lëkure. Për aplikimin më perfekt, zgjidheni këtë ngjyrë si ruzh në pjesën e mollëzave.

E kuqja e flaktë

Një buzëkuq i kuq mund të konsiderohet si detaji më i rëndësishëm i bukurisë. Mund të kombinoni thonjtë me ngjyrën e buzëve. Mënyra më e mirë është që të gjeni të njëjtat ngjyra.

Bojëqielli dhe blu e thellë

Kishte pothuajse 50 nuanca të blusë në pasarelë këtë sezon, por bojëqielli dhe bluja e errët ishin ato që mbizotëruan. Për ta provuar, zgjidhni një penel në pjesën e sipërme ose të poshtme të syrit dhe dritëhije në nuancë më të errët.

E verdha mustardë

Kjo ngjyrë është shumë e guximshme, por nuancat e saj janë çuditërisht shumë “chic” për makijazhin e syve. Nëse për ju është pak e “ekzagjeruar” për fytyrën tuaj, provojeni te thonjtë, ose në formën e një peneli të hollë.

Burimi: Elle