Prej disa ditësh Franca është përfshirë nga moti i keq.
Reshjet e dendura të shiut nuk pushojnë prej ditësh dhe në Francën Jugore kanë ndërruar jetë 11 persona.
Ditën e djeshme gjatë përpjekjes për të shpëtuar njerëzit kanë ndërruar jetë edhe 3 efektivë.
Përmbytjet kanë sjellë edhe dëme të shumta materiale, ku shumë banorë kanë mbetur edhe pa banesa.
Uji ka hyrë në shtëpitë e tyre dha ka marrë me vete çdo gjë që ka pasur brenda.
Presidenti i Francës, Emmanuel Macron tha përmes një postimi në Twitter se është shpallur alarmi i kuq dhe shprehu hidhërim për ata që kanë vuajtur javët e fundit nga moti i keq në jug.
