Nëse ke strija në trupin tënd, kjo nuk është aspak gjë e veçantë. Përkundrazi, rreth 80 % e grave kanë shenja të strijave në lëkurë, madje para pak kohësh ishte vetë ylli i muzikës Rihanna e cila pranoi që i kishte dhe postoi një foto ku dukeshin qartazi strijat.
Por edhe pas kësaj ju gjithmonë keni kërkuar për metoda të cilat mund t’ju ndihmojnë në eleminimin e tyre dhe mund të keni përdorur të paktën një herë të vetme kremra për to.
A mund të parandalohen strijat?
Strijat fillojnë të krijohen atëherë kur lëkura fillon të hapet me shpejtësi, si për shembull gjatë shtatzënisë, shtimit të shpejtë në peshë etj.
Hidratimi i lëkurës së barkut gjatë shtatzënisë ose kur lëkura po zgjerohet me shpejtësi, mund të ndihmojë lëkurën, por aktualisht nuk ka studime që tregojnë se ndonjë krem i veçantë mund të ndihmojë në parandalimin e strijave.
Tendenca që strijat të zhvillohen është kryesisht gjenetike. Disa njerëz kanë më shumë gjasa t’i fitojnë se disa të tjerë.
Pra, a kanë ndonjë funksion kremat e strijave?
Për t’i parandaluar tashmë e mësuat se nuk mund të bëni asgjë, por për t’i trajtuar po.
Disa kremra janë më të mirë se disa të tjerë për hidratimin e lëkurës tuaj, por përsëri nuk i zhdukin edhe pse mund t’i zbehin strijat përkohësisht.
I vetmi krem që mund të bëjë diçka është kremi me Retin-A, që përdoret për të ulur skuqjen dhe rikthen kolagjenin në lëkurën tuaj.
Produktet që përmbajnë retinol, gjithashtu mund të ndihmojnë potencialisht megjithëse jo aq sa Retin A, por ju nuk mund të përdorni asgjë me retinol gjatë shtatzënisë, pasi nuk është e sigurt për fetusin.
Çfarë tjetër mund të bëhet për të trajtuar shenjat e strijave?
Meqe kremrat nuk janë shumë funksionalë , dermatologët thonë se ekzistojnë mundësi të tjera si trajtimet me mikronizëm ose lazer.
Në përgjithësi shenjat e reja që janë akoma të kuqe ose sapo janë kthyer të bardha janë më të lehta të zbehen se ato të vjetrat.
Kjo gjë normalisht që merr disa seanca trajtimi që të përmirësohet dhe zakonisht përmirësimi nuk është 100 %.
