Një nga pyetjet që torturon të gjitha vajzat, që kanë infeksion vaginal, është nëse mund të kryejnë marrëdhënie seksuale? Enigma merr fund tani, pasi përgjigjen e jep revista “Woman’s Health”.
Surprizë! Nëse mendonit se i thatë mirupafshim seksit për shkak të infeksionit, e keni shumë gabim. Nëse ndiqni disa hapa të thjeshtë, patjetër që mund të kryeni marrëdhënie seksuale sa herë që të dëshironi.
“Infeksioni vaginal është vetëm një irritim në kanalin vaginal. Ndaj nëse tregoheni paksa të kudesshëm, atëherë mund të kryeni marrëdhënie seksuale.” – tregon gjinekologia Jessica Shepherd.
A e përkeqësojnë marrëdhëniet seksuale infeksionin vaginal?
Ndoshta! Ja si qëndron problemi: infeksioni vaginal nuk është gjë tjetër veçse një infeksion kërpudhor që qëndron në vaginën tuaj. Mirëpo nëse prek spermën e partnerit apo lubrifikuesin, infeksioni mund të përkeqësohet.
A është ngjitës infeksioni vaginal?
Është e mundur. Infeksioni vaginal nuk është sëmundje seksualisht e transmetueshme, ndaj ekziston një mundësi shumë e vogël që të jetë ngjitës. Në fakt, 15 për qind e meshkujve do të kenë kruajtje pasi të kryejnë marrëdhënien seksuale, nëse partnerja ka infeksion vaginal, shkruan “Woman’s Health”. Mos harroni se mjekimi për infeksionet vaginale mund të ndikojnë tek efektiviteti i prezervativit.
Cfarë duhet të bëj nëse kam infeksion vaginal?
Simptomat e infeksionit vaginal janë të njëjta me ato të sëmundjeve seksualisht të transmetueshme. Ndaj duhet të vizitoheni menjëherë për të përcaktuar diagnozën tuaj.
