Për herë të katërt, futbollisiti i Juventusit, Paulo Dybala ka rezultuar pozitiv me COVID-19.
Ai ka kryer në total 6 teste dhe i fundit ka rezultuar sërish pozitiv.
Prej 21 marsit, ai nuk po mundet të fitojë betejën me koronavirusin, ndonëse tani gjendja është përmirësuar.
Pak ditë më parë, futbollisti tha se nuk ka më shenja të COVID-19, por me sa duket virusi nuk ka ndërmend ta lërë rehat.
Ai është i infektuar së bashku me partneren e tij, e cila gjithashtu mësohet se nuk është shëruar plotësisht.
Çifti janë nën kujdesin e mjekëve, ndërsa pritet që rezultatet e testimeve të ndryshojnë pas disa javësh.
