Ministrja e re e Arsimit, Evis Kushi, edhe pse trumbeton realiziminn sa më parë të plotë të Reformës në Drejtësi në Shqipëri, nga ana tjetër nëse do të futej në “sitën” e Vettingut do të shkarkohej menjëhërë.
Kushi dhe kolegët e saj, janë mishërimi i kësaj qeverie me standarte të dyfishta, ku hyn në lojë shprehja “mos bëj si bëj unë por bëj si them unë”.
Kujtojmë se gjatë një fjalimi të mbajtur në Parlament në Prill 2019, deputetja e PS-së, Kushi aktualisht Ministre e Arsimit, citoi nënsekretarin Amerikan të Shtetit, Matheë Palmer, i cili e cilësoi reformën në drejtësi dhe vetingun si një “element shumë të rëndësishëm për të rritur besimin e qytetarëve tek institucionet…”.
Përmendi, se ministrja e re e Arsimit, Kushi së bashku me kolegët dhe bashkë-partiakët e saj, nuk marrin përsipër kurrsesi që t’i nënshtrohen një filtrimi pasurie dhe jo vetëm, siç po i bëhet edhe gjyqtarëve dhe prokurorëve.
Nëse Kushi me kompani do të përballeshin me procesin e Vettingut, atëherë me siguri do të ‘ngelnin në klasë’, për shkak të mosjustifikimit të pasurisë.
Portali “boldneës.al”, më parë ka kryer edhe një analizë mbi të dhënat e pasurisë ndër vite të vetëdeklaruara nga ministrja e Arsimit Evis Kushi.
Apartamente e miliona…nga emigracioni
Kujtojmë se pedagogia e Universitetit të Elbasanit, Evis Kushi, u zgjodh deputete për herë të parë në vitin 2013.
Ndërkohë në qytetin e Elbasanit ku ushtronte aktivitetin e saj, Kushi filloi të katapultohej në Partinë Socialiste pas investimit që iu bë figurës së saj nga politikani më i fuqishëm i këtij qyteti, ish-kryebashkiaku prej disa mandatesh, Qazim Sejdini (i njohur ndryshe edhe si “Lala”)
Pas marrjes së mandatit të deputetes në vitin 2013, Kushi deklaroi për herë të parë pasurinë e saj.
Në formularin “Para fillimit të detyrës”, Kushi deklaron se ajo dhe bashkëshorti i saj, Florens Kushi, kanë në pronësi dy apartamente në Elbasan.
Njëri apartament, me sipërfaqe 71 m2 është blerë në vlerën 1.9 milionë lekë të reja. Ndërsa apartamenti i dytë, me sipërfaqe 99.8 m2, është blerë për shifrën e 37.300 eurove, nga të cilat, në atë kohë, ishin paguar 33 mijë euro.
Kushi në të dyja deklarimet, ka nxjerrur si burim për blerjen e apartamenteve të ardhurat e siguruara nga bashkëshorti i saj në emigracion.
Ndërkohë po ashtu, në deklaratën fillestare, Kushi deklaroi se bashkëshorti i saj është gjithashtu pronar i një toke me sipërfaqe 500 m2 në Kavajë, të cilën rezulton se e ka blerë me vlerën 300 mijë lekë (pra në përpjestim i bie 600 lekë/m2), nga emigracioni.
Njëlloj si për apartamentet, në deklaratën e pasurisë nuk shënohet koha se kur janë blerë këto asete, megjithëse ka një shënim që bashkëlidhur formularit janë edhe fletë sqaruese të kontratave të shit-blerjes.
Po ashtu, me burim kryesor emigracionin e bashkëshortit të Kushit, janë siguruar edhe 1 milionë lekë të reja kursime në gjendje cash./GazetaReforma.com/
