Këngëtarja e njohur shqiptare, Parashqevi Simaku, ka dalë nga spitali në Nju Jork, ku po kurohej për një situatë të rënduar psikologjike. Biznesmeni shqiptar, Elton Ilirjani, ka shpërndarë lajmin e mirë në rrjetin e tij zyrtar në Instagram, ku ndau foto dhe video të transformuar Parashqevisë, e cila shfaqet e qetë dhe e lumtur pas shërimit.
Në postimin e tij, Ilirjani shkruan: “Surprizë, ia dolëm,” dhe nënvizon se, ndonëse ajo ka dalë nga spitali, ky nuk është fundi i procesit të rikuperimit. Ai thekson se Parashqevi do të vazhdojë të ketë nevojë për ndihmë dhe mbështetje pas daljes nga spitali psikiatrik.
“Rrugëtimi i saj do të rinisë, por ne do të jemi aty për ta ndihmuar,” tha Ilirjani, duke shpërndarë edhe ndihmën që ka nevojë për përkujdesje gjatë periudhës pas shërimit. Ai bëri thirrje për gratë shqiptare që të ndihmojnë gjatë akomodimit të Simakut në shtëpinë e saj të re dhe që të qëndrojnë pranë saj gjatë ditës dhe natës.
Përveç kësaj, Ilirjani theksoi se shumë artistë shqiptarë nuk kanë ofruar mbështetje financiare për Parashqevi Simakun, dhe se ata të brezit të saj kanë kontribuar më pak se të tjerët.
Në fund, Ilirjani shpreson që Simaku të jetë në rreshtin e parë kur ai të ngjitet në pasarelë gjatë Javës së Modës në New York, duke i dhënë asaj një mundësi të re për të rifilluar karrierën dhe jetën e saj.
