Java nis me mot kryesisht të qëndrueshëm në vend, ku gjatë pjesës së parë të ditës priten kthjellime në pjesën më të madhe të territorit, ndërsa më pas vranësirat do të vijnë në shtim gradual, duke u bërë mesatare deri të dendura. Sipas parashikimit, ndryshimi i kushteve atmosferike do të ndihet më shumë nga orët e pasdites dhe në vijim gjatë mbrëmjes.
Reshjet e shiut parashikohen të shfaqen fillimisht në ekstremin jugor, ku do të jenë me intensitet të ulët. Më pas, gjatë orëve të mbrëmjes, reshjet pritet të përfshijnë zonën e jugut dhe kryesisht jugperëndimin, duke sjellë episode të herëpashershme shiu, si edhe shtrëngata afatshkurtra. Këto zhvillime tregojnë se dita do të nisë relativisht e qetë, por do të mbyllet me mot më të paqëndrueshëm në disa qarqe të vendit.
Ndërkohë, era do të fryjë me drejtim nga verilindja në veriperëndim, me një shpejtësi mesatare rreth 7 metra për sekondë. Përgjatë vijës bregdetare dhe në zonat luginore, ajo do të jetë më e fortë, duke arritur deri në 16 metra për sekondë, çka mund të sjellë herë pas here forcim të ndjeshëm të saj, sidomos në mbrëmje.
Edhe të dhënat për Tiranën tregojnë një nisje të kthjellët të ditës dhe shtim të vranësirave nga mesdita e në vazhdim, duke përforcuar panoramën e një fillimjave me mot të qëndrueshëm në orët e para dhe me më shumë paqëndrueshmëri në pjesën e dytë të ditës.
