Dita e martë do të karakterizohet nga kushte atmosferike të paqëndrueshme në të gjithë territorin e Shqipërisë, me mbizotërim të vranësirave mesatare deri të dendura, më të theksuara në orët e para të ditës.
Sipas parashikimeve meteorologjike, reshjet e shiut do të jenë të pranishme që në orët e para të 24-orëshit dhe do të vijojnë deri në orët e mëngjesit, me intensitet të ulët dhe mesatar. Në pjesën më të madhe të territorit, reshjet do të shfaqen në formë shtrëngatash afatshkurtra, ndërsa në zonat jugore, kryesisht në orët e para të mëngjesit, priten reshje me intensitet deri të lartë, por në intervale të shkurtra kohore.
Gjatë pjesës tjetër të ditës, reshjet e shiut do të vazhdojnë herë pas here në pjesën më të madhe të vendit, kryesisht me intensitet të ulët. Megjithatë, nuk përjashtohen episode lokale me intensitet deri mesatar, të shoqëruara me shtrëngata afatshkurtra.
Në zonat malore, veçanërisht në Alpe, verilindje dhe lindje, në lartësitë mbi 500–700 metra, si dhe në juglindje e jug mbi 700–800 metra, parashikohen reshje dëbore me intensitet të ulët dhe lokalisht deri mesatar.
Sa i përket erës, ajo do të fryjë nga drejtimi perëndim–veriperëndim me shpejtësi mesatare rreth 9 m/s, ndërsa përgjatë vijës bregdetare dhe në zonat luginore pritet të forcohet, duke arritur shpejtësi deri në 24 m/s.
Në det, valëzimi do të jetë i forcës 3 deri në 5 ballë, duke krijuar kushte të paqëndrueshme për lundrim.
