Ashtu si seancat e palestrës, ku shkoni për të formuar trupin tuaj edhe fytyra ka nevojë për masazh për parandalimin e plakjes. Por mos u lodhni shumë, pasi këtë sezon markat më të mëdha po jua lehtësojnë, që ta kthejnë masazhin e fytyrës në një rutinë të përditshme.
Njihuni me mjetet e reja të përkujdesjes së lëkurës që do të kujdesen për ne.
- “Chanel Le Lift Firming” për masazh kundër rrudhave, 25 paund
Ky mjet do t’ju mundësojë masazhimin e fytyrës suaj për të përhapur më mirë kremin mbrojtës, vajin apo serumin që keni aplikuar. Dizajni i këtij mjeti mundëson një përdorim shumë të lehtë. Përdoreni atë duke kaluar nga nofulla drejt mollëzave për të stimuluar lëkurën dhe për të tërhequr muskujt. Mbajeni në frigoriferi, që kur ta përdorni të përhap shpejt efektin freskues.
- “Clinique Sonic System” masazhues dhe trajtues, 22 paund
Ky aplikues vibrues masazhon indet e fytyrës suaj, ndërsa ndihmon në përhapjen e kremit për të përthithur mirë vetitë e tij. Muskujt përgjigjen me përdorimin e këtij produkti. Përdoreni nga qafa në drejtim në nofullës, më pas duke u ngjitur sipër.
- “Foreo” masazhues për sytë, 99 paund
Veçanërisht ky objekt ndikon në shikimin, duke ndihmuar stimulimin e qarkullimit të gjakut, oksigjenon lëkurën dhe përthan toksinat. Thuajin mirupafshim të çarave në fund të syrit. Pajisja silikoni ndonjëherë ka nevojë të karikohet dhe të pastrohet nga bakteret. Themeluesi i “Foreo”, Paul Peros, thotë që pajisja duhet thjesht të përdoret 30 sekonda tek secili sy çdo ditë. Përdoreni atë me një krem apo një serum për të rritur fuqinë e efekteve.
Marrë nga Cosmopolitan. Përgatiti: Jearta Çaushi
