Ka akoma shpresë për të bërë edhe disa ditë plazh. Të paktën edhe për këtë fundjavë. Sipas parashikimeve, ditët e fundit vendi ynë është dominuar nga kthjellime në të gjithë territorin. E premtja, gjatë gjithë ditës është dominuar nga moti i qëndrueshëm, përjashtuar ekstremin verior dhe verilindor të vendit ku priten edhe vranësira kalimtare.
Temperaturat e ajrit kanë pasur një rënie të lehtë në të dy vlerat ekstreme ditore duke bërë që maksimumi në rang vendi të ngjitet në 31 – 32°C.
Ndërsa për fundjavën, meteorologët parashikojnë mot të kthjellët: “Fundjava do të jetë e kthjellët dhe me temperatura të larta, në veçanti bregu jugor është i favorshëm për plazh”.
