Fatkeqësisht është rritur bilanci i viktimave të tërmetit duke shkuar në 41.
Ekipet e kërkim-shpëtimit kanë nxjerrë një tjetër trup të pajetë nga hotel “Miramare”, në Durrës, i cili është shembur plotësisht.
Trupi i tij i pajetë është nxjerrë pas dy ditësh kërkime mes rrënojave. “BalkanWeb” raporton se viktima është një 53-vjeçar me emrin Sotiraq.
Në momentin që ka identifikuar viktimën familjari thuhet se ka humbur ndjenjat!
Ky i fundit dyshohet se ishte punonjës në hotel, ndërkohë që kërkimet vijojnë për dy persona të tjerë në këto rrënoja të hotelit.
