Nuk mundem që të jetoj pa të…

Disa femra bëhen të varura nga një mashkull edhe para se ta dashurojnë vërtetë. Dashurohen me fjalët e tij, nga momentet, nga gjërat, e lidhin të tashmen e tyre me premtimet që ai u bën për të ardhmen së bashku.

Mendojnë se si do të jetë jeta e tyre me fëmijë ende pa u bërë lidhja e tyre një histori e qëndrueshme dhe serioze. Thurin plane në ajër dhe nuk arrijnë dot ta imagjinojnë një ditë të vetme pa e parë atë mashkull. Nëse ke arritur në këtë pikë ai të ka në pëllëmbë të dorës.

Duket e shëmtuar kur e thua. Por mund të jesh një nga të gjitha ato femra që ai ndan krevatin dhe ndonjë mendim të paqartë. E nëse do të ishte me të vërtetë kështu?

Thua shpesh: “Nuk arrij të jeton pa të, jeta ime nuk do të kishte kuptim”.

Më vjen keq të të zhgënjej, por mund të jetosh shumë mirë pa të. Në momentin kur premtimet, fjalët e bukura mbeten fiks vetëm “fjalë”, mos bëj projekte afatgjata. Mendoje se disa puthje mund të vlenin më shumë se shprehjet reale të afeksionit. Mendoje se dashuria ishte një qetësues për vuajtjet e tua të së shkuarës. Mendoje se ai kishte ndryshuar, që një ditë do ta kuptonte sa e ke dashur. Por kur e gjithë dashuria zbehet, kur e vetmja gjë që të mbetet janë pendimet, nuk beson më. Në atë moment vuan. Në atë moment kupton se ku ke gabuar. Ke tentuar të ndryshosh njerëz që nuk kanë dëshirën më të vogël për të ndryshuar realisht.

Mundesh shumë mirë të jetosh pa të. Mundesh shumë mirë të jetosh pa shumë njerëz. Nuk je e lumtur nëse lumturia jote varet nga ajo e dikujt tjetër. Ekziston lumturia jote, lumturia e tjetrit dhe lumturia e përbashkët, e cila ndërtohet sëbashku. Mos nis një lidhje pa një mendim për të ardhmen, pa dëshirën për të ndërtuar diçka, pa shkuar në vijën e finishit. Nuk krijohet një lidhje vetëm pse ndihemi vetëm.

Dashuria nuk matet me peshore, por ndonjëherë është i nevojshëm një ekuilibër. Ti e do dhe ai të do. Ai lufton dhe ti lufton. Nëse këto dy gjëra thelbësore mungojnë, largohu, shpejt! Nëse mendon se gjërat do të ndryshojnë me kalimin e kohës, je gabim që në fillim, e sa më shumë kohë të kalojë akoma më e vështirë bëhet. Mendoje se ishte mashkulli më i mirë në botë. Por gabove. Ndaj mos gabo sërish. Ndiq rrugën tënde! Meshkujt që vlejnë pak, duan pak dhe keq!

Burimi: Donne.co