Episodi i fundit në ‘Fun Club’ u shoqërua me tone të larta dhe debate teksa diskutohej se kush e meriton ta fitojë këtë Big Brother. Arbër Zeka, ish-fitues i Big Brother 5 u shpreh se duhet ta fitojë Meritoni, ndërsa Donald Veshaj tha se e meriton vëllai i tij, Romeo.
Zeka tha se Heidi nuk e meritonte finalen duke shtuar se bashkë me Romeon kanë ecur në këtë lojë për shkak të historisë së tyre të dashurisë. Mirëpo, Donaldi shtoi se edhe për të mbajtur një lidhje dashurie në këtë format është e vështirë dhe kërkon aftësi.
“Kanë shfrytëzuar lidhjen për të arritur deri këtu. Love story, se në BBV është e vërtetuar me vulë që të ecin”, tha Zeka.
“Edhe për të mbajtur një lidhje dashurie në këtë format, kërkon b….”, ia ktheu Donaldi, i cili më tej u shpreh se edhe nëse do ta fitonte Heidi, nuk do mërzitej.
