Një doganier me koronavirus: Karantinohen të gjithë punonjësit e doganës në Tushemisht

Lexo edhe :

Labinot Tahiri merr një vendim që prek zemrat: “Nga sot e tutje, fitimet e mia nga koncertet do t’i ndaj për Roelin”

17:42 20/07/26

‘Zonja e Pëllumbave’ nga Home Alone, ndërron jetë në moshën 81-vjeçare

18:05 17/07/26

Punonjësit e Doganës së Tushemishtit janë karantinuar pasi një prej tyre ka rezultuar pozitiv me koronavirus.
Televizioni lokal i Pogradecit “Sot7” shkruan se të gjithë personat personel dogane, policë dhe doganierë janë të izoluar në shtëpi.
Ndërkohë në karantinë është vendosur edhe stafi i njësisë së kujdesit shëndetësor që shërbente në këtë doganë.
Në total bëhet me dije se janë rreth 20 persona 14 nga dogana dhe 6 nga stafi mjekësor.
Deri më tani asnjë prej tyre nuk ka pasur shenja të COVID-19.
Personi i prekur thuhet se ka rezultuar pozitiv mbrëmjen e kaluar.
Në vendin tonë janë konfirmuar 104 raste të prekur me koronavirus.
Ditën e sotme është shënuar viktima e 5-të nga virusi vdekjeprurës Covid-19.
Personi që ka humbur jetën është një 48-vjeçar nga Puka, baba i 4 fëmijëve.
Viktima ishte shtruar prej 10 ditësh në Spitalin Infektiv në Tiranë dhe po trajtohej për frymëmarrje të drejtuar.