Nga vjedhja në autobus te dhuna mes çiftit, a ndihmojnë shqiptarët?

Kemi dëgjuar shpesh nëpër lajme kur kryhet një krim, që policia nuk po gjen përgjigjet lidhur me ngjarjen. Por e kemi të vështirë të besojmë se asnjë person i vetëm nuk ka dëgjuar asgjë.

“Dikush bërtiti”, kështu mund të kenë nisur historitë që keni dëgjuar nga të tjerët, ose ku mund të keni qenë ju dëshmitarë.

Por si mund të mos reagojë dikush nga një “Ndihmë”?

Nëse këtë pyetje ia bëni shpesh vetes, ne vendosëm që t’i vendosnim lexuesit e “iconstyle.al” përballë gjashtë situatave të ndryshme.

121 persona morën pjesë në sondazhin tonë të titulluar “Si do të reagoje nëse dikush bërtet “Ndihmë”?” dhe përgjigjet treguan se jemi një popull shumë kureshtar.

Të vendosur para dilemës nëse do të reagonin apo do të vazhdonin rrugën e tyre, shumë prej atyre që morën pjesë në sondazh do të zgjidhnin alternativën e dytë.

Pjesa më e madhe e personazhe janë më shumë të ndjeshëm në rastet e dhunës në familje apo të grabitjeve.

Votuesit tanë treguan se mbetemi një popull i ndjeshëm dhe i gatshëm për të ndihmuar të tjerët.

Duke e vendosur gjithmonë veten në rolin e tjetrit, duhet të kuptojmë që ndihma për të shpëtuar dikë nga e keqja, që po i ndodh, është ajo që do të kërkonit edhe nëse do të ishit në vendin e tij.

Nëse dikush shikon burrin që dhunon gruan, pothuajse të gjithë do të reagonin duke ndërhyrë, por nëse dikush bërtet në rrugë “ndihmë”, atëherë shumë njerëz do të kalojnë sikur nuk ka ndodhur asgjë.

Rezultatet e sondazhit:

1.

Një djalë po kap prej flokësh të dashurën/shoqen në rrugë. Ti po kalon i vetëm ose jo. Çfarë do të bëje?

Nga 98 votues, 48 prej tyre do të “vazhdonin rrugën” dhe 47 do të “ndërhynin për t’i ndarë”.

2.

Është mesi i natës. Sapo pe një film dhe je gati për gjumë. Dikush po bërtet me të madhe në lagjen tënde.

Nga 99 votues, 83 prej tyre do të “dilnin në dritare për të parë ç’po ndodhte” dhe 38 do të telefonin policinë.

3.

Një hajdut hyn te shtëpia e komshiut tënd përball:

Nga 99 votues, 53 do të telefononin 112-n dhe 41 do të lajmëronin dikë tjetër.

4.

Disa nxënëse po zihen jashtë shkollës, ti kalon aty pranë:

Nga 102 votues, 50 do të qëndronin indiferent dhe 49 do të ndërhynin. Diferenca këtu është shumë e vogël, vetëm me 1 votues.

5.

Shikon një burrë nga dritarja duke dhunuar gruan. Ti je në shtëpi me prindërit/shoqërinë. Si do të veproje?

Nga 114 votues, 106 prej tyre do të merrnin policinë, 4 do t’i trokisnin te shtëpia dhe 4 të tjerë mendojnë se nuk ka vend për të ndërhyrë mes çiftit.

6.

Hajduti i fut duart në çantën e njërës në autobus dhe i merr telefonin. Të dy shikoni njëri-tjetrin në sy:

40 prej 101 votuesve shprehen se do të njoftonin shoferin dhe faturinon, ndërsa 33 të tjerë do të thërrisnin me të madhe “hajduti”.

Për të votuar për sonazhin kliko këtu.

Burimi: Iconstyle.al