Aurela Gaçe është një ndër këngëtaret më të dashura nga publiku shqiptar dhe energjia që e karakterizon atë në skenë është realisht shumë e madhe.
Së fundmi këngëtarja ka vendosur që të bëjë publike një video në Instagram ku nënë e bijë shfaqen duke kënduar në një koncert të mbajtur në Vlorë, në vendin ku Aurela është rritur, dhe pasi e pamë mund të themi këto fjalë: Është e adhurueshme!
Vajza e madhe e Aurelës paska një zë të mrekullueshëm dhe tejet të ëmbël që na i vodhi zemrat të gjithëve.
Duket se e vogla do të ndjekë rrugën e nënës së saj dhe në të ardhmen me shumë gjasë një talent i veçantë do i bashkohet skenës së muzikës shqiptare.
